De breurs Roo wint ‘Songfestival Drenthe, Pop in ’t plat’

Ze komt oet Rouveen in Overiessel en zingt in het Drents. Met hun liedtie ‘Olde Jetta’ wonnen de breurs Jaap en Alfred Roo oflopen zaoterdag in de studio van RTV Drenthe ‘Songfestival Drenthe, Pop in ’t plat’. Bij de vakjury stun Dennis Hendriks met het liedtie ‘Koffie veur ons twee’ bovenan. Van het pebliek kregen de breurs Roo genog stemmen um Dennis Hendriks veurbij te snittern … met die olde Volkswagen Jetta.

In ien klap 10 neie Drentse nummers rieker

‘Songfestival Drenthe, Pop in ’t plat’ kwam in de plaots van het ‘Drèents Liedtiesfestival’ van de veurmalige stichting Reur. De Drentse omroep vun dat der een nei liedtiesfestival kommen mus en hef dit zölf organiseerd. Der bint tien artiesten vraogd um een nummer te maoken. Oflopen zaoterdag kregen de kiekers het risseltaat te zien. De kanshebbers veur de overwinning waren De breurs Roo, Gercoh. & Schavuit, Silvia Fledderus, Skroetbalg, Annemiek Drenth, Martijje, Beau Veldkamp, Dennis Hendriks, Ferdy Doldersum en John & Nienke. In ien klap bin we 10 neie Drentse nummers rieker. Alle liedties bint terug te kieken en te beluustern op het YouTube-kanaal van RTV Drenthe: https://www.youtube.com/@djammendrenthe

Veur het winnende liedtie bint hier de links:

Spotify: Olde Jetta – Single by Roo | Spotify

YouTube: De broers Roo – Olde Jetta – YouTube

Foto 1: Kim Stellingwerf / RTV Drenthe