Dennis Hendriks hef zaoterdagaovend 6 juni de tweede editie van Songfestival Drenthe, Pop in ’t Plat wunnen. Met het nummer Geef nooit op kreeg e de mieste wardering van de vakjury en het publiek.

Tiedens de live-oetzending vanoet het atrium van RTV Drenthe streden tien Drentstaolige artiesten tegen mekaar. De winnaar weur bepaald deur een combinatie van publieksstemmen en de stemmen van een vakjury, die bestund oet twaalf leden oet de Drentse gemienten.

Songfestival Drenthe, Pop in ’t Plat weur dit jaor veur de tweede maol organiseerd deur RTV Drenthe en het Huus van de Taol, met steun van de previncie Drenthe.

Foto: Rego Meijer/RTV Drenthe