Het actiecomité Drents op Stee, dat al jaoren actief is in de Meertmaond-Streektaolmaond, is weer op pad west. Dizze maol niet met het tweetaolig maken van plaotsnaamborden, maor deur een stemadvies te geven.

Daorveur bent in nacht van 12 op 13 meert op virtig plekken in Drenthe de plaotsnaamborden veurzien van de leus: Kies veur Drents op Stee!

Het mak het comité niet oet op welke partij aj stemt op woensdag 15 meert, maor ien ding stiet veurop: Laot het een stem veur het Drents weden!

Een stem veur de streektaol. Een taol die meer zichtbaor wezen möt in de openbaore ruumte as het an Drents op Stee lig. Dat begunt met tweetaolige plaotsnaamborden. Der bent al vief dörpen in Drenthe die dat hebt. Maor der kunt volgens Drents op Stee nog meer dörpen bij, net as streektaol in kraanten en op websites, maor ok in de vörm van poëzie in het straotbeeld.