Oetgeverij Het Drentse Boek bestiet 45 jaor! Daorum organiseerde ’t Huus van de Taol op zaoterdag 6 september een feestelijke schrievers-inspiratiedag. Een unieke dag veur elkenien die schref – of schrieven wil – in het Drents of een aandere taol.

De bezukers kregen een dag vol inspiratie en ontmoeting, dat begunde met een gesprek met twee van de dree oprichters van de oetgeverij, Marga Kool en Albert Haar. Daornao vertelden schrievers Ingeborg Nienhuis, Suze Sanders en Harm Dijkstra over heur wark. In de middag waren der veer workshops. Sylvia Dragtstra gaf les in dichten, Jaap Krol gaf les in columns schrieven, Martin ter Denge gaf les over het an de man brengen van de taol in de tied van neie media en Tineke Endema har het over tenielstukken schrieven.

De middag wur met een paneldiscussie over het anfietern van de Drentse schrieverij ofsloten.

(Foto’s: Huus van de Taol)