We viert feest! Het Drentse Boek bestiet 45 jaor. In 1980 is de oetgeverij deur Marga Kool, Jan Nefkens en Albert Haar in Zuudwolde opricht. In 2020 stun der in de Zinnig een mooi interview over de beginjaoren van Het Drentse Boek. Die doew hierbij.

45 jaor, dat gaow vieren vanzulf. Op zaoterdag 6 september organiseer we een ‘schrieversinspiratiedag’ bij oes in Beilen. En daornao komp der een Drentse schriefwedstried met as thema ’45’. De beste körte verhalen geven we in december dan oet.

Hol de site van Huus van de Taol en de Facebookbladziede in de gaten.