Janny Kok-Wolbers oet de tied kommen

Op 24 juli lestleden is Janny Kok-Wolbers oet de tied kommen. Zij hef veul betiekend veur de Drèentse taol.

In de jaoren tachtig weur ze deur Roel Reijntjes en Hans Heyting stimuleerd um (weer) te schrieven. Ze schreef jaorenlang bijdragen in het Drèents an de Hoogeveensche Krant en Oeze Volk. Boetendes trad ze op met een programma vol Drèentse proza en poëzie.

Bekend weur ze met heur publicaties over Drèentse oetdrukkingen en idioom. Ze har een verzameling van doezenden woorden en spreuken. Nao ‘Lachen muj leren, rèren komp vanzölf’ verschenen de bundels ‘Zo wies as een petries’, ‘Grote tied en gien ende’ en ‘Seins met een gniflachien’.  Ter ere van heur tachtigste verjaordag in 2013 kwam de bundel ‘Olde varsies en riempies’ oet.

Janny Kok-Wolbers is 91 jaor worden.

Wij wèenst heur femilie en aandere naosten veul starkte bij het verwarken van dit verlies.