Streektaol op het podium in de kinderboekenweek

Kinder kunt kiekdeuzen veur een pries bouwen

Boekhandel Van der Velde (locatie Akerkhof, Stad) en Erfgoed in Groningen zet mandielig de streektaol in het zunnegie met de ‘Spot Aan!’ – kiekdeuspries. Kinder oet de gemienten Noordenveld, Tynaorl en Aa en Hunze kunt ok metandoen en tot an 25 oktober heur creaties inlevern. 

Binnen het MOI-project (Meertalig Onderwijs In Grunnen/Drenthe) leert kinder over de streektaol, en dat die net zoveul weerd is as het Nederlands.

Dit naojaor haakt het project an bij het thema van de Kinderboekenweek ‘Spot aan’. Illustrator Natascha Stenvert meuk een kiekdeus-knipblad waormet leerlingen heur eigen kiekdeus bouwen kunt. Daorin kunt ze makkelk een streektaoltekst verwarken. Zangeres Martijje hef der een swingend tweitaolig lied bij maakt: Laot maor zien/Loat mor zien. Ze zingt het samen met Ronald Jongsma.

Ok kinder oet de gemienten Noordenveld, Tynaorl en Aa en Hunze kunt metandoen eur heur kiekdeus tot an 25 oktober inlevern bij Van der Veld in Stad (Akerkhof). Een jury beoordielt in de categorieën underbouw en bovenbouw de risseltaoten. Op 6 november is der een feestelijke priesoetreiking, waornao de 10 mooiste kiekdeuzen in de etalage van Van der Velde komt.

Op wijzijnmoi.nl stiet alle informatie over de kiekdeuspries en kuj ok het lied en lesmaterialen vinden.