Op woensdagaovend 15 april verraste de ledenraod van de Rabobank oes met een cheque. Tot oeze verbaozing weur het bedrag ter plekke verhoogd van € 500 naor € 1500.
Ze hadden heurd over oes project Luusterboek.nl, waorbij Drèentse gedichten en körte verhalen umzet wordt naor audiobestanden, en wolden daor geern een bijdrage an levern.
Wij bint hiel wies met dizze steun van de Rabobank. Zo komp de uutvoering van het project weer een stappie dichterbij en kuw de streektaol op een toegankelijke en eigentiedse menier under de andacht brengen.