Huus van de Taol zöch Lekkerste Drentse Woord van 2024

Aal jaor holdt het Huus van de Taol in samenwarking met RTV Drenthe een woordverkiezing. Veurig jaor weur het liefste Drentse woord zöcht, dit jaor zuuk wij het lekkerste Drentse woord. Daor valt hiel wat over te zeggen: van sukkelao met neuties tot glèren, smokken of op tjak. Dat bint allemaol woorden die lekker bint of lekker klinkt. En allemaol bint ze geschikt um in te sturen veur dizze verkiezing.

Woorden insturen kan van 29 november tot 10 december via huusvandetaol.nl/lekker. Under de inzenders van lekkere woorden wordt een schier (en lekker) Drents priezenpakket verlot.

Op 13 december heur ie op radio Drenthe de vief woorden die het miest inzunden bint. Op dizze woorden kuj dan weer stemmen.

Op 20 december wordt het Lekkerste Drentse Woord van 2024 bekendmaakt.