Cursus over Drentse taol in Roneresch
Het Huus van de Taol organiseert cursussen over Drentse taol en cultuur. Vanof 18 meert is der een Moi-cursus in het Rashuys in Roneresch.
Docent Henk Nijkeuter nemp je in 3 aovenden met deur de Drentse taol: hoe is die ontstaon, wat is der allemaol in het Drents schreven en zungen? Wat bint een toezebol, een schrouwakster en een waortenbieter?
Elkenien die aordigheid hef an de Drentse taol kan in dizze instapcursus terecht.
Praktische informatie:
Daotums: 18 meert, 25 meert en 1 april
Locatie: het RAShuys, Giezenweg 3, Roneresch
Tieden: 19.30 – 21.30 uur
Kosten: 25 euro (excl. zaalhuur en koffie/thee)
Anmelden kan via www.huusvandetaol.nl/cursus/moi.