Zummerse praotplaot oftrap veur meer streektaolig lesmateriaal

Met een praotplaot over de zummer en het anstekelijk Drents-Grunningse kinderlied ‘Moi, hier is de zummer’ brengt Erfgoed in Groningen (in samenwarking met het Huus van de Taol) lesmateriaal in de streektaol oet. Op ltnedersaksisch.nl/moi kan elkenien die der met gangs wil het materiaal vinden.

De zummerplaot en het lied bint maakt veur het MOI-project. MOI stiet veur Meertalig Onderwijs In… en wordt in Grunning en de Drentse gemientes Noordenveld, Aa en Hunze en Tynaorl oetvoerd. Het lied ‘Moi, hier is de zummer’ is een lied van Jan Henk de Groot en Martijje. De praotplaot is tiekend deur Natascha Stenvert.

Veur het ontwikkeln van het lesmateriaal bint docenten van een koppel basisschoelen betrökken bij het project, zodat er in de loop van de ankommen jaoren lesmateriaal komp veur alle jaorgroepen van de basisschoel. Nao de zummerplaot komp er een boekie veur de eerste weken van het schoeljaor.