Schrievers Gerrit Boer en Henk Berghuis komt met merakels mooi boek over Maanting in de jaoren ’60, ’90 en nou.

Op zundag 20 september is ‘Tussenlaand of atalanta’s in Maanting’ prissenteerd op het terras van Voscheheugte, net boeten Maanting. Zu’n 50 man geneuten van de prissentatie. Het boek giet over de ruilverkaveling in de jaoren ’60, de natuurontwikkeling van Plan Goudplevier in de jaoren ’90 en over nou. Schrievers Gerrit Boer en Henk Berghuis hebt der gien saaie wetenschappelijk opsomming van maakt, maar een creatieve mozaïekvertelling. Gedichten, verhalen, foto’s, themablokkies en een bezundre vörmgeving maakt van ‘Tussenlaand’ een gevarieerd boek dat ok interessant is veur volk dat onbekend is met Maanting of de broekstreek.

Het eerste exemplaar was veur drei Maantingers: Bertus Vos, Jeroen Vos en Jannes Kerssies. Dizze kirrels vertelt in het boek hoe of ze tegen de veraanderings in en um het dörp ankiekt. Nao de prissentatie nam Bertus Vos de bezukers met veur een wandeling over het Maantingerzaand.

‘Tussenlaand of atalanta’s in Maanting’ is veur € 18,50 te koop bij de betere boekhandel en in de webshop van het Huus van de Taol (huusvandetaol.nl/webshop).

Op de eerste foto vlnr: Jeroen Vos, Jannes Kerssies, Gerrit Boer (schriever), Bertus Vos en Henk Berghuis (schriever)