Nao de zummervekaansie giet de oetvoering van de Sociale Agenda van Nij Begun van start. Ien van de dingen die daorin oppakt wordt is het stimuleren van het Nedersaksisch.

In september begunt het eerste underdiel van het programma MOI (Meertalig Onderwijs In Grunnen en Drenthe). MOI richt zuch op de verstarking van de regionale identiteit en het zölfbewustweden. Het giet hier um een underwiesanpak rondum het Nedersaksisch. Een tweede taol, zoas Grunnegs of Drents, bevördert (taol)ontwikkeling en böd meer kaansen. De anpak is ontwikkeld deur Erfgoedpartners, Huus van de Taol, NHL Stenden Hogeschool en de RUG.

Veur Drenthe wordt dit programma oetvoerd in de gemienten Noordenveld, Tynaorl en Aa en Hunze.