Prieswinnaars Wiesneus 2026 bekend

Kinder valt in de priezen met kleurplaat en puzzels oet streektaoltiedschrift

In de Meertmaond Streektaolmaond was traditiegetrouw weer het veurleesproject. Kinder waor an veurlezen is kregen as andenken de Wiesneus. Ze kunden zuch  vernuvern met Drentse verhaolen, gedichten, puzzels en een kleurplaat met het thema Op Aoventuur. Oet de inzendings hef de jury vief winnaars keuzen.

De woordzuker har as oetkomst de zin Aoventuur begunt mit een verhaal. Met dizze oplössing wun Abel oet Raol een mooie pries. En de diagrampuzzel leverde het woord tweilocht op, Drents veur ‘schemering’. Dat wus Selinde oet Slien ok. Ok zij kreg een beloning veur heur puzzelwark.

De kleurplaot, tiekend deur illustrator Natascha Stenvert, kwam schier inkleurd weerum naor Beilen. Thomas van de Smilde, Pepijn oet Börk en Djoëlle oet Hollandscheveld kregen daorveur een pries.

De vrijwilligers oet de eigen gemiente van de prieswinnaars bint op pad gaon um de priezen oet te langen op OBS De Oostenbrink in Hollandscheveld, OBS De Lindelaar in Börk, OBS Jan Thies in Raol, IKC Prinses Margrietschoel op de Smilde en OBS De Akker in Slien.

Veur wel de Wiesneus nog digitaal bekieken wil, de liedties belustern wil of wat doen wil met ien van de underdielen van het blad in de les kiek dan op huusvandetaol.nl/wiesneus.