Wiesneus-winnaars bekend

In de meertmaond is bij het veurleesproject tiedschrift Wiesneus weer naor de basisschoelen gaon. Zo kunden kinder in Drenthe zuch vernuvern met Drentse verhaolen, gedichten, puzzels en ok een kleurplaot. Oet de inzendingen van de kleurplaot en oplössingen van de puzzels hef de jury de winnaars keuzen.

De woordzuker har as oetkomst de zin ‘Vernuver oe mit de Wiesneus’. De diagrampuzzel leverde het woord ‘ekkelboom’ op. Ok kwamen der meer as 100 prachtige kleurplaten binnen, waor ok 3 winnaars veur onder- , midden- en bovenbouw keuzen bint.

Jorrit oet Slien en Tobin oet Hogeveine hebt een pries wunnen met de puzzels. Linde oet Assen, Eline oet Geeiten en Laura oet Roon hebt de kleurplaot prachtig kleurd en kriegt daor een pries veur. Prieswinnaars kriegt via de schoel bericht.

Digitaal is het tiedschrift  te vinden op huusvandetaol.nl/wiesneus, ok kuj daor de liedties en een koppel gedichten belustern.