In Ronald Buld oet Runerwold hew bij het Huus van de Taol een neie Streektaolambassadeur vunden veur de gemiente De Wolden. Buld nemp het stokkie over van Bertus Mos, die nao 15 jaor Streektaolambassadeurschap vindt dat het tied is veur verjonging.
Muzikant en dörpshoesbeheerder Buld is gien onbekende veur het Huus van de Taol. Hie was in het verleden al betrökken bij ‘De Jonge Honden’.
Directeur Renate Snoeijing: ‘Dat Bertus Mos op zien leeftied stopt is, daor hew vanzölf alle begrip veur. In de creatieve Ronald Buld hew een goeie opvolger vunden, die hiel wies is met oeze streektaol’.
Buld zörgt samen met aandere vrijwilligers veur de organisatie van streektaolactiviteiten in de gemiente De Wolden. Ien van die activiteiten is het veurlezen op basisschoelen in meert.