Now het weer mag organiseert de Streektaolambassadeur en de Sreektaolvrijwilligers van de gemiente Midden-Drenthe net as in 2019 weer een z.g. Streektaolstried.

An dizze ”stried”, een quiz in oeze streektaol, doet bijna alle dörpen uut de gemiente met in groepen van 4 man/vrouw.

Ze kriegt 8 categorieën vraogen veurschötteld, met per categorie 8 vraogen.

Dizze vraogen hebt betrekking op bijveurbield variaties van de Drentse taol of op foto’s van plekken in Midden-Drenthe, waorvan ze moet raoden waor dat is.

De drei teams die de mieste vraogen goed beantwoord hebt, kriegt een pries anbeuden deur Renate Snoeijing, de directeur van het Huus van de Taol.

Ze hef ook veur diegenen die as leste eindigt nog een poedelpries.

De Streektaolstried wordt hollen op vrijdag 18 meert um 20.00 uur in het Kerkelijk Centrum “de Voorhof” in Börk en is allent toegankelijk veur de dielnimmers.