Op dunderdag 2 oktober is in de Oude Meerdijk in Emmen het streektaolsymposium van de Stichting Nederlandse Dialecten. Op dizze dag kuj een inkiekie kriegen in hoe aj op een creatieve en innovatieve manier de streektaol gebroeken kunt. Wetenschappers en makers vertelt over heur underzuuk en wark en laot zien hoe ieuwenolde taolen as het Drents, Frysk of Vlaams een neie drei geven kunt an meziek, straotbield, communicatie en literatuur. Hoe kuj dus podium an de streektaol bieden.  

Wat döt het aj streektaol gebroekt? Hoe warkt het deur op identiteitsvörming en hoe een gemienschap functioneert? Wat is de invloed van de media op streektaol? En hoe kuj Shakespeares theaterteksten ‘verbrusseln’? Tiedens de prissentaties, workshops, optredens en discussies gaot bezukers een (eigen) antwoord vinden op dizze vraogen. An dit symposium warkt under andere taalwetenschapper Kristel Doreleijers (Meertens Instituut) en biezunder hoogleraar Nedersaksisch (Rijksuniversiteit Groningen) Martijn Wieling (biezunder hoogleraar Nedersaksisch) met en der bint verdiepende dielsessies over schrieverij, theater, meziek en de ‘psychology fan dyn taal’. De dag wordt ofsleuten met een verrassende veurdracht. 

Dielnimmers an het symposium gaot naor hoes met inspiratie en praktische handvatten um zölf een stee te geven an streektaol in kunst, beleid, communicatie, educatie en situaties van alledag. Het symposium böd underzukers directe toegang tot praktijkveurbeelden van taolgebroekers en makers die de streektaol toepast in heur wark.  

De Stichting Nederlandse Dialecten hef as doel um underzuuk naor streektaolen op een toegankelijke manier zien te laoten an elkenien die dat wil. Vertegenwoordigers en bestuursleden komt oet het gebied van Vlaandern tot an Ameland en ze warkt bij universiteiten, streektaolinstituten of taolorganisaties.  

Meer informatie