Prieswinnaars van Wiesneus 2022 wordt 9 mei bekend

Ok dit jaor hebt weer een hiele koppel kinder heur best daon um een mooie kleurplaot te kleuren of de oplössingen van de puzzels in tiedschrift Wiesneus op te sturen. Nog even geduld, want op maondag 9 mei wordt bekend wie der met de priezen giet lopen. 

In Wiesneus stiet elk jaor weer een schiere kleurplaot. Dit jaor bint er mar liefst twee priezen veur de allermooiste inzendingen: ien pries veur de jongere kinder en veur de wat oldern is der ok een aparte pries. Veur de diagrampuzzel en de woordzuker wordt er ok twee priezen per puzzel oetlangd.

De oplössingen van de puzzels kriej al wel vast van oes! De diagrampuzzel op bladziede 11 har as oetkomst ‘Dreumpries’ en de woordzuker op bladziede 15 gaf de zin ‘Dreumen in het Drents’.

Kinder die een pries wunnen hebt kriegt bericht via heur schoel. Oeze vrijwilligers komt dan zo gauw as kan de pries brengen.