Zeg ie ‘leerzen’ of zeg ie ‘stevels’? En ‘broek’ of ‘boks’? ‘Straks’ of ‘dommiet’? En kuj heksen en blauwvarven tegeliek? Met het project Heksen en Blauwvarven wilt het Huus van de Taol en het Drents Archief Drentse woorden en oetdrukkingen op batterij brengen en ze nei leven inblaozen. Daorveur zuuk we vrijwilligers. Op dinsdag 4 oktober is der een veurlichtingsaovend in Beilen.

Het project dreit um woorden die nog prima gebroekt worden kunt, zoas seins veur soms, of iene half staon veur steunen. Met de woorden en oetdrukkingen die met dit project ophaald wordt, ontwikkelt het Drents Archief een educatieproject.

Vrijwilligers zöcht

Wel wil, kan metwarken an dit project: woordenliesten en literatuur deurzuken, zölf woorden insturen of  de boer op en interviews doen. Alle hulp, hoe groot of klein ok, is welkom. Op dinsdag 4 oktober is der een veurlichtingsaovend. Dizze begunt um 19.30 uur in het Huus van de Taol (Raadhuisplein 1, Beilen).

Opgeven veur dizze aovend kan via info@huusvandetaol.nl of deur te bellen: 0593-371010.

Wi’j allèn woorden insturen? Dat kan ok. Gao dan naor Heksen en Blauwvarven