Willy Weerman vrijwilliger van 2024 in Börger-Oring

Op zaoterdag 15 februari is Willy Weerman verkeuzen tot ‘Vrijwilliger van het Jaar 2024’ in de gemiente Börger-Oring. Dizze verkiezing wordt organiseerd deur de PvdA in dizze gemiente.

Willy is vrijwilliger bij het Hunebedcentrum, gastspreker bij Herinneringscentrum Kamp Westerbork, verhaolenverteller tiedens wandelingen in zien eigen umgeving en daornaost gef hij ok lezingen.

Wij kent hum veural as ambassadeur veur oeze streektaol. Dat döt hij al jaoren op verschillende manieren. Zo warkt e met an het programma ‘Drenthe Toen’, is e lid van de spellingkemissie en organiseerd’e jaorenlang streektaolactiviteiten, waorunder het veurleesproject in Börger-Oring.

Hij is een weerdevolle en gewardeerde vrijwilliger die smoel gef an de Drentse taol, daor biw wies met.