Boeken
Het Huus van de Taol hef een eigen oetgeverij die schiere boeken hef. Van poëzie tot proza, van thriller tot kinderboek. Dizze boeken bint óf in het Drents of ze gaot over Drenthe.
Hier kuj Drents praoten!
€18.50
Tussenlaand of atalanta’s in Maanting
NOU IN DE VEURVERKOOP. LEVERING VANOF 21 SEPTEMBER.
Gerrit Boer (old-Maantinger) en Henk Berghuis hebt een boek schreven over Maanting. Daorin beschref Boer zien tantes in de jaoren ’60. Het is de tied dat de ruilverkaveling in Maanting begunnen zul. Dan slaot we dartig jaor over en kom we in de jaoren ’90 met het plan Goudplevier en de natuurontwikkeling. En non bin we weer een dikke dartig jaor later en kiekt de schrievers met volk oet Maanting weerum.
290 op veurraod
Productumschrieving
NOU IN DE VEURVERKOOP. LEVERING VANOF 21 SEPTEMBER.
De grèenzen van herinnering en warkelijkheid bint vloeiend, ’t is een eb en vloed van inbielden, weten en halve waorheden. An de vloedlijn lig veul troep en rommel, seins ok wal wat moois.
An die vloedlijn achter Börk en Beilen lig ’t Tussenlaand: een mozaïek van herinnerings, berichten uut de kraant, flarden van gesprekken en foto’s uut ’t familiealbum. Een laand tussen de grote ontginnings, ruilverkaveling en natuurbescharming: honderd jaor baggern en spitten in de hoop op een betere toekomst.
Hoe kuj al die jaoren as gewoon mèens leven tussen bestemmingsplannen, richtlijnen veur verkeer en transport, financieringsopties van de Boerenleenbank, perspectieven veur slow tourism?
Henk Berghuis en Gerrit Boer bint op tjak gaon um ’t Tussenlaand te vinden: op de stoffige zolderkamers van de herinneringsfabriek, an een keukentaofel an de Maantingerdiek, in ’t schemerduuster van faunatunnels under de Hoogeveenseweg. En altied ’t warme rulle zaand van ’t Maantingerveld under de voeten.
