Boeken

Het Huus van de Taol hef een eigen oetgeverij die schiere boeken hef. Van poëzie tot proza, van thriller tot kinderboek. Dizze boeken bint óf in het Drents of ze gaot over Drenthe.

5.00

Underweg 2 – Rowol – Peter van der Velde

 

In diel 2 van de serie Underweg kriej een overicht van het leven en wark van Peter van der Velde oet Rowol. De wandelroute giet deur Rowol naor de Paaizermao.

Productumschrieving

Underweg

Kuiern deur Drèentse schrieverij

Diel 2

Rowol

Peter van der Velde

Wij bint op zuuk naor mooie gedichten en plekken. Wij wilt gien literatuurwetenschap schrieven, maor lezen, kuiern, kieken en dervan genieten.
In dizze uutgave biw met Peter van der Velde underweg in Rowol. Hij was de zeun van een Drèentse mam en een Grunninger pap. Peter gruide op in Roon. Nao de middelbare schoel en de kweekschoel was e een jaor of wat kantoorbediende in Roon en Stad. Vanof 1944 was e schoelmister in Stienbargen, Roon en daornao 25 jaor heufd van de schoel in Rowol.

Hij was schriever, dichter, cabaretier, muzikant, zanger en veul meer. Hij hef wal ies zegd: ‘Aj even niet oppast bi’j weer argens secretaris of veurzitter.’ Peter van der Velde was veul bezig met de taol, maor het hef lang duurd veurdat er een bundel met gedichten kwam. Pas in 1986 verscheen Wilwaark (een overzichtsuutgave).

In dizze pdf kriej naost een mooi overzicht van het leven en wark van Peter van der Velde ok een wandelroute in en um Rowol. Met de Qr-code in diel 2 volg ie de route. Op www.underweg.eu kuj anvullende teksten en films vinden.