Rouke Broersma (1940)
Tussen 1989 en 2000 was Broersma redactielid van ‘t Drents letterkundig tiedschrift Roet. Veur dat tiedschrift schref e gedichten en besprek en recenseert e boeken en gedichtenbundels.
In 1993 hef Broersma in samenwarking met Stieneke Boerma de literatuurgeschiedenis Drèentse schrieverij schreven dat oetgeven is bij Het Drentse Boek. In 2003 verschient bij dezölfde oetgever het overzichtswark Scheupers van de taol: Bloemlezing van de Drèentse Schrieverij 1837-2003, deur Broersma samensteld. In 2011 komp der een tweede, bijgewarkte druk van Scheupers van de Taol (Het Drentse Boek, Beilen).
In 2012 is Met Bunner groet, Brieven en beschouwingen over schrieverij en andere Drentse aangelegenheden verschenen bij oetgeverij Ter Verpoozing in Peize.
In 2017 verscheen Drentse Letteren, het verhaal achter Scheupers van de Taol, 1837-2016.
Wieder schref Broersma over de Franse pedagoog Célestin Freinet en ‘t Freinet-underwies. Van 2004 of is e gangs het wark van Freinet in het Nederlands te vertaolen.
Op de website http://www.zoveelvogelszoveelzinnen.nl/ kuj veul meer lezen van en over Rouke Broersma. Daor kuj ok de complete liest van zien boekpublicaties vinden. Hier volstao we met een paar die over de Drentse schrieverij gaot.
Boekpublicaties:
- Drèentse schrieverij (samen met Stieneke Boerma, 1993);
- Scheupers van de taol: Bloemlezing van de Drèentse Schrieverij 1837-2003 (2003);
- Tweede druk en bijgewarkte versie van Scheupers van de Taol (2011);
- Met Bunner groet, Brieven en beschouwingen over schrieverij en andere Drentse aangelegenheden (2012);
- Drentse Letteren, het verhaal achter Scheupers van de Taol, 1837-2016 (2017).