Marchinus Elting

Marchinus Elting is op 18 oktober 1947 in Vaalt (Valthe) geboren.

Marchinus Elting (1947)

Hie woont nou in Oring (Odoorn). Geregeld hef der wark van Marchinus Elting in Maandewark/Oeze Volk staon. Hie schref ok in het kraantie van de vrijzinnige gemiente in Oring en hie is een vaste metwarker van Spitwark, het tiedschrift van de historische veriening Carspel Oderen.
Hie voert ok gesprekken met de bewoners van zörgcentrum De Paasbergen en op basis van die gesprekken legt Marchinus Elting olde gebroeken en tradities vast. Ok hef e underzuuk daon naor veld- en straotnamen in zien umgeving.

Met het gedicht Onzichtbare muren (over dementie) wun e in 2008 de eerste pries bij een schriefwedstried van het Huus van de Taol. Dit was veur Marchinus Elting een belangrieke stimulans um deur te gaon met schrieven. In 2009 wun e de eerste pries met het gedicht Weer in hoes bij een schriefwedfstried op Schonerd (Schoonoord).
In 2010 kwam zien dichtbundel An de aovend oet (een oetgave van het Regionaal Boekenfonds Zuuidoost-Drenthe). De thematiek in dizze bundel hef alles te maken met het wark dat Marchinus Elting jaorenlang daon hef (in een instelling veur mèensen met een verstandelijke beparking) en met ervaringen in zien persoonlijke leven.

In verzamelbundels is ok wark van hum opnummen.

Boekpublicatie:

  • An de aovend (2010)