Geesje Hoving (1948-2020)

Zie is daor ok groot worden en van 2009 tot 2020 woonde ze der weer.

Geesje Hoving schreef graag in heur moedertaol. Zie dacht en vuulde ok Drents. In de lezings die ze gaf, kwam ze altied op veur de Drentse cultuur en taol. Het schrieven van gedichten kwam bij heur opborreln.
Ze beschreef de ontdekkings van het leven, of zoas zie het zölf zee: “Het jaank hebben naor mèensen en naor de kindertied”.

Zie is in oktober 2020 oet de tied kommen.

Boekpublicaties:

• Met de herfst ben ik thuis(1992, Nederlandstalig);
• Kom as de katties bluit ( 1995).

Twee gedichten van Geesje Hoving:

OPNAOME

Nachtpon, undergood,
een nei stukkie zeep
haorkammegie een buusdoek
pen en papier
hoesdeur valt toe

Deuren gaot automatisch lös
witte kaomers doemt op,
ledikanten met zieken
waachtenden met bloemen
muren met- en gien ansichtkaorten
underzuken, niet weten
waor aj an toe bint

ZUNDAGMÖRGEN EEN GODSHOES

De lift haolde ze
in nachtpon en zundagsgoed
Hij neugde ze oet
Hij leup met ze op
Hij braacht ze bij mekaor
het lieden deelde Hij
leeifde gaf Hij

Zaacht staomelden zij:
‘Dank o Heer, dat Je
ous anspreuken’.