Lammert Huizing (1927-2013)

In 1949 is e redacteur-verslaggever worden van de Hoogeveensche Courant.
Van 1966 tot 1992 hef e daor hoofdredacteur van west. In die functie hef e de aandacht veur de Drentse schrieverij en de streekhistorie anpidjerd.
As amateur-historicus hef e underzuuk daon naor ’t verleden van Zuudwolde, Hoogeveen en de Drentse jeuden. Over dizze underwarpen hef e een koppel publiceerd.
Lammert Huizing is in 2013 oet de tied kommen.

Lammert Huizing was ok metwarker an het Woordenboek van de Drentse Dialecten en hoofdredacteur van ’t kwartaalblad De Veenmol van de Historische Kring Hoogeveen. Hie hef een koppel bestuursfuncties had. Nao zien pensionering is e èendredacteur west van ’t Maandblad Drenthe.
In de loop van virtig jaor hef e honderden lezings geven over verscheiden underwarpen. Under de schoelnamen Huso, dr. Geert van Bunen en Dick Karsijns hef e over historische, culturele en kerkelijke underwarpen schreven.
Lammert Huizing hef verscheiden underscheidings kregen: de gemiente Hoogeveen hef hum in 1989 de erepenning in zulver geven; in 1994 hef e de Culturele Pries van Drenthe kregen. Hie was Hoogeveener van ’t jaor in 2003, en in 2004 is e erelid worden van de Historische Kring Hoogeveen.

In 2007 hef Albert Haar van Rikrak Communications in opdracht van Stichting Drentse Taol een schrieverspetret veur video en dvd samensteld over Lammert Huizing.

Een keur oet zien publicaties:

• Hoogeveen, Van Echtens Morgenland (1975);
• Lezen in Hoogeveen (1979);
• Technische School Hoogeveen 75 jaar (1982);
• Gedenkboek Rabobank Hoogeveen (1986);
• Driekwart eeuw Bouwvereniging Hoogeveen (1989);
• De historie van Zuidwolde (1969);
• Zeven eeuwen Zuidwolde (1975);
• Zuidwolde zoals het was (1997).