Lamert Kieft (1951)

Jan Wierenga is in 1951 in Enumatil geboren. Zien schoonfamilie komt oet De Wiek. Van de verscheidenheid an taol in dizze beide dörpen mak Jan Wierenga / Lamert Kieft dankbaar gebroek bij het schrieven van zien proza.

Jaorenlang har Jan Wierenga dagelijks een körte column in het Dagblad van het Noorden. Linksunder op pagina twee van de kraant kun elk alle dagen de Nederlandstaolige stukkies van hum lezen.
Under de naam Oetsmieter begunde Jan Wierenga in 1990 as Lamert Kieft de belevenissen van zien verzunnen dörpsgenoten (In het dorp alhier) te beschrieven. Dat dee e met een knipoog naor taol en cultuur. De dörpsgenoten van Lamert Kieft en waren under andere karikaturen as opperwachtmeester Jalving, landbouwer Oosting, winkelier Harrie Flik en patatbakker Jan Eulie. Opvallend is het taolgebroek van Lamert Kieft. Hie schref in de standaardtaol, maor zuver Nederlands is het niet met zien vrumde taolconstructies en opvallend woordgebroek. De streektaoldialogen kunt ok moeilijk zuver Drents nuumd worden, maor in dit naomaak-Drents lat Lamert Kieft wal zien dat e een echte woordkunstenaar is.

De mooiste oetsmieters bint in 2003 bundeld under de titel Bij ons in het dorp alhier, Een selectie uit 1000 Oetsmieters.

Nao zien pensionering as journalist schref Jan Wierenga ok in 2020 nog aal week as Lamert Kieft zien belevenissen in een hiel biezunder dörp met hiel biezundere inwoners met een hiel biezunder taolgebroek.

Boekpublicatie:

• Bij ons in het dorp alhier (2003).