Tea Nijnuis (1953)
Op de Mulo begunde ze met het schrieven van gedichten. Nijnuis hef warkt as ambtenaar bij de gemiente Peize en in die periode meuk ze veul gelegenheidsgedichten.Tea Nijnuis wordt ïnspireerd deur de gebeurtenissen in heur eigen umgeving.
Ze begunde te publiceren in het plaotselijke kraantie De Hopbel. Deur de samenwarking met Albert Dubben en Joop Arnolli is heur eerste bundel Van hoes oet (2001, Servo) tot stand kommen (met tiekeningen van Marieke de Rooij).
Veer jaar later kwam het vervolg Vandaog de dag (2005, Servo) oet. Vanneis was der de metwarking van Joop Arnolli, en dizze keer bint de foto’s van Janny Buring en de tiekeningen van Truus de Weger.
Nijnuis schref in de streektaol, umdat ze het belangrijk vindt dat dizze taal beholden blef. Zie is ok streektaolambassadeur veur de gemiente Noordenveld. Boeten het schrieven is Nijnuis actief met De Sara’s, een duo dat ze met een vriendin vörmt. De Sara’s biedt een aovendvullend pregramma van gedichten en liedties, schreven in de streektaal. De Sara’s is ontstaon oet een eerder duo, De Paaizer Wichter. Ok hiervoor schreef Tea het programma in de streektaal.
In 2017 kwam Nao zoveul jaor in eigen beheer oet.
Boekpublicaties:
- Van hoes oet (2001);
- Vandaog de dag (2005);
- Nao zoveul jaor (2017).
Een gedicht van Tea Nijnuis:
Jeugd
knetterblauwe ijsies
en snoep zo gruin as gras
gaon met op onze reisies
van de zesde klas
kleurstofblauwe tongen
koppies vol met energie
muihaaid wordt verdrongen
op de oorties MP3
de jeugd gaait oet heur dak
bai zoveul naaiegheden
ik denk veur het gemak
mor an mien zuit verleden
Uut: Nao zoveul jaor