Webshop
Webshop

Ton Peters

De dichter Ton Peters weur op 23 febrewaori 1952 in Dieren geboren, maor hie woont al weer jaoren in Noordoost-Nederland.

Ton Peters (1952)

Jaorenlang har e zien hoesstee in Elp staon (1983-2015), maor een jaor of wat leden is e in Zeuvenhoezen op de grens van Grunning en Drenthe wonen gaon. Ton was leraar in het veurtgezet underwies.

Ton Peters is dichter, hie publiceerde een stuk of wat bibliofiele oetgaven die zowat niet meer te kriegen bint, zoas Lessen in gespletenheid, Paradijs van aktentassen en Repnik.
In Roet publiceerd’e u.a. light-versegedichten. Met de Noord-Drentse schriever Peter van der Velde hef e veur Roet light-versegedichten schreven waorbij beide dichters op mekaars wark reageerden.

In 2009 schreef e samen met Jan Veenstra het Drentse boekenweekkedo Dörpsstrraot oes dörp. Jan Veenstra schreef veur dit geschenk körte prozateksten, Ton Peters de Drentse gedichten.

Ton is al jaoren redactielid van het Drents Letterkundig Tiedschrift Roet.

Samen met Gezienus Omvlee, Rob Boudestein en Ben Hoogland vörmt e het dichtersgezelschap De Loftrompet. In 2012 kwam van heur de Nederlandstaolige gedichtenbundel De dood en het peloton oet met 44 wielergedichten over wielrenners die op een vrumde manier oet de tied kommen bint.

In december 2013 hef Ton Peters een solobundel oetgeven met zien wark tot dat moment. De titel is Vanwege het getal. Gedichten tot 2013.

Samen met de dichters van het Light Verse Collectief (Gezienus Omvlee, Rob Boudestein en Ben Hoogland) stelde Ton Peters in 2014 de bundel Drenthe is best mooi (op Google Maps) samen, dat oetgeven is deur Het Drentse Boek.

Ton Peters leverde een bijdrage an twee van de drie mini-oetgaves die het Huus van de Taol bij speciale gelegenheden oetgeven hef. Mag Majesteit hier wel wezen (2013) en Deurtrappen! Op fietse deur Drenthe (2014).

In 2018 prissenteerde het Light Verse Collectief de bundel Binnenkort uitverkocht. (Het Drentse Boek 2018).

In 2019 kwam het boek De maon hef nacht under de naogels oet, waorin Ton Peters gedichten van de Amerikaanse dichter Ted Kooser umzet hef naor het Drents.

Boekpublicaties:

Een keur oet het wark van Ton Peters:

 

DOM WEG

Vakantie is voornamelijk voor legen
en niet meer dan een treurig misverstand,
ga ’s zomers maar eens kijken aan het strand
of anders naar een pretpark in de regen.

Het droefste type kom je doorgaans tegen
in god weet welk exotisch buitenland:
de reiziger in knellend groepsverband,
ontdekker langs de voorgeschreven wegen.

Het reizen is tot pure plicht verheven
en ’t doel ervan ligt al bij voorbaat vast:
verveling in de schaduw van het leven.

Ik blijf voorlopig graag onaangepast
en ben dit jaar weer lekker thuis gebleven,
domweg gelukkig bij de boekenkast.

Oet: Vanwege het getal

 

WAT WORDT

Ik schreef as kind het woordtie op
dat mij van boven weur dicteerd
en deed dat miestal knap verkeerd
met schaomrood gluiend op de kop

Nou schrief ik in mien eigen taol
en leg daorin gedachten vast
met woorden die mij beter past.
Mangs dreum ik nog van het lokaol

en twiefel ik veur ’t zwarte bord:
weur worden wordt of weur word wordt?

Oet: Dörpsstraot Oes Dörp

 

KRUUSTOCHT

Een dag over het asfalt is gien punt,
op ieuwenolde weggies moej niet wezen
je gaot al nao een paor minuten vrezen
dat starven zachies bij het kruus begunt

Lichtkaans daj nooit van naogeslacht geniet
aj over Drèentse kinderkoppies riedt.

Oet: Deurtrappen! Op fietse deur Drenthe

 

ASSEN

Het regent weer, het regent weer in Assen
en daarmee lijkt me alles wel gezegd
want nergens valt de regen zo terecht
als op dit paradijs van aktetassen

Het miezert en het sijpelt en het giet
neerslachtigheid in vele varianten
op mensen die als schimmige passanten
bewegen door een lagedrukgebied

Gelukkig zorgt cultuurpaleis De Kolk
met Bambi voor vertroosting van het volk

Oet: Drenthe is best mooi (op Google Maps)