Dubbeld Hemsing van der Scheer (1791-1859)

Zien pap was Jacobus van der Scheer, oetgever, boekhandelaar en stadsontvanger. Dubbeld Hemsing van der Scheer gung in 1813 vrijwillig in het leger van Napoleon. Nao de Franse nederlaog gung e weerum hen Coevern, waor e zien pap opvolgde as boekhandelaar/oetgever.

Dubbeld Hemsing van der Scheer schreef u.a. samen met de predikant Alexander Lodewijk Lesturgeon en de journalist Harm Boom under de schoelnaam ‘De drie podagristen’ Drenthe in vlugtige omtrekken geschetst. Dit boek was een verzameling volksverhalen, volkskundige feiten en dialectwoorden in de vörm van een reisbeschrieving. Je zulden zeggen kunnen dat hiermet de Drentstaolige literatuur begunde.

As schriever én oetgever hef Van der Scheer grote betiekenis had veur de ontwikkeling van de Drentstaolige literatuur. Tussen 1836 en 1851 gaf e de Drentsche Volksalmanak oet. Al in het eerste nummer van dizze almanak stun een gedicht in streektaal nl. Zaomensproak over ‘t Broabands opreur, tussen Baerent, Greet en Harrem,  undertiekend met ‘Een Drenther’. Feilijk was dit de eerste complete tekst in het Drents. En wel of der achter het pseudoniem ‘Een Drenther’ verstopt zat, is nooit dudelk worden; lichtkans ien van de redacteuren Van der Scheer, Lesturgeon of Boom?

Naor hum weur in 1941 de Drentse Studiekring D.H. van der Scheer nuumd, de veurloper Het Drents Genootschap, de Culturele Raad voor Drenthe.

Van der Scheer was ok ien van de oprichters van het Drents Museum in Assen.

Boekpublicaties:

• Drenthe in vlugtige omtrekken geschetst (1843 en 1847, samen met Harm Boom en Alexander Lodewijk Lesturgeon);
• Oetgever van u.a. de Drentsche Volksalmanak (edities 1837-1981).