Jans Stoffers (1943-2011)

Daor hef e de rest van zien leven woond. In 1977 begunde Jans daor een installatiebedrief.

Hie schreef veul tenielstukken en revues.Vaak har Jans Stoffers ok de regie bij de oetvoeringen. Samen met Klaas Waldus was e in 1960 begund met het schrieven van een muzikaal verhaal. Hiermet begunde het allemaol. Met De Galappels – een komisch gezelschap oet Ieghaor – trök e jaorenlang volle zalen. Veul tenielstukken van Stoffers bint baseerd op de geschiedenis van Drenthe. Jans Stoffers wus veul over de geschiedenis van De Broekstreek en hef metschreven an De kroniek van De Broekstreek. Hie verzörgde ok rondleidingen deur de umgeving van Ieghaor en daorbij kun e biezunder smakelijk vertellen. Actief was e ok op het gebied van sport, met name volleybal; as scheidsrechter en bestuurder veur de veriening SVDB. Het Pinkstervolleybaltoernooi in Ieghaor is naor hum nuumd.

In 2008 kwam van hum de bundel Roefie en ik oet (oetgave Kerkhove in Beilen).

Boekpublicatie:

• Roefie en ik (2008).

Een gedicht van Jans Stoffers:

 

Neijaorswens

Ik wens je gien riekdom
of succes in je zaoken.
Maor dingen die meer
je binnenste raoken.
Een haand op je arm,
van man, vrouw of kind.
Waormet ze laot weten,
dat ze der bint.
Een knipoog, een glimlach,
een klein, zacht gebaor.
Dat wens ik veur jullie,
het kommende jaor.