SCHRIEVERSDAGEN

Ok in het neie seizoen 2024-2025 warkt het Huus van de Taol en de Theaterschuur Linde weer samen um een kweekplaots van mooie verhaolen en gedichten te maken! Veur elkenien die der schik an hef um zölf te schrieven of die plannen hef um dat te gaon doen, maor niet zo goed wet waor te begunnen.

Op twee zaoterdagen (28 september en 29 meert) bint er in de Theaterschuur Schrieversdagen. Schrievers, geïnteresseerden en/of leergierige schrievers kriegt dan de meugelijkheid um te praoten over heur wark, neie technieken oet te preberen en met mekaar van gedachten te wisseln over plannen en ideeën. Op dizze zaoterdagen zal het plezier in schrieven veurop staon, maor het is wal de bedoeling der ok wat van op te steken en nao ofloop met een voldaon gevuul en neie inspiratie op hoes an te gaon.

De begeleiding van de Schrieversdagen is in haanden van Baukje Bloemert, die tot heur pensionering redacteur was bij oetgeverij Het Drentse Boek. De voertaol op dizze dagen is Drents en Nederlaands; het is um het even in welke taol schrievers schrieven wilt.

Totale kosten um an beide dagen diel te nimmen: € 20 euro per persoon.

Lek het je wal wat? Geef je dan nou op!