Welkom ankommen schrievers, ervaoren schrievers en belangstellenden. Bi’j derbij op zaoterdag 6 september in Beilen?

Kom ok naor de schrievers-inspiratiedag van Huus van de Taol in het gemientehoes in Beilen.

Kiek ies deur een aandere schrieversbril en laoj inspireren!

Bi’j ok beneid waor aandere schrievers met gaangs bint? Luuster naor de verhaolen van dichters, verhaolenvertellers en tenielkunstenaars. En hoe doej het olde ambacht van schrieven in dizze moderne tied met social media?

Waorum dizze dag?

Oetgeverij Het Drentse Boek bestiet 45 jaor. Reden um een hiele dag de schrieverij in ’t locht te zetten. En dat doew op 6 september met de schrievers-inspiratiedag in het gemientehoes in Beilen.

Wat gaow doen?

De inloop is tussen 09.30 en 10.00 uur. We begunt um tien uur met de oprichters van Het Drentse Boek en daornao kriew van verhalenschriever Ingeborg Nienhuis, dichter Suze Sanders en teniel- en heurspelschriever Harm Dijkstra te heuren hoe as ze warkt.

In de middag kuj kiezen oet verschillende workshops over under meer:

• schrieven van columns
• schrieven van meertalige gedichten
• gebruuk van social media as schriever
• schrieven van een tenielstuk

Daornao is der een paneldiscussie over het anfietern van de Drentse schrieverij in de toekomst. En we sluut of met de start van de schriefwedstried met as thema “45”.

 

Programma

Wat kost het?

Veur € 15,- kuj de hiele dag van 10.00 tot an 17.00 uur derbij wezen. Dit is inclusief lunch, koffie of thee.

Meld je an

Woj derbij wezen op zaoterdag 6 september in Beilen? Meld je dan an veur de schrievers-inspiratiedag. Vanof 23 juli kuj angeven naor welke workshop je wilt.

 

Anmelden