Marga Geersing-Feringa

Saomen hebben wai twei jongens; Lars en Niels. Wai wonen in Roon (Roden), ik ben geboren (1976) en opgruid in Paais (Peize), op ‘t melkveebedrief van mien pap en mam.

Jaoren laang heb ik, as juf veur de jongste kinder, met veul plezaier op een legere schoul waarkt. Hartstikke mooi om jonge lu wat te leren en om met minsken om te gaon.

Deur het verleis van leive minsken om mai hen en deur nuver wat levenservaoring was ’t veur mai dudelk dat ik bai oetvaorten zul gaon spreken.

Ik weit wat minsken deur maoken moeten bai ‘n groot verleis en dat goud aofscheid nimmen heul belangriek is. Elkenein is biezunder en het dingen metmaokt in ’t leven wat oeteindelk je levensverhaol maokt. Elk verhaol is ‘t weerd om verteld te worden.

Mien motto: “Aj spraokeloos bennen, dan heb ik der woorden veur”.

In ‘t Drèents, of in het Nederlands, krek waj willen.
Omdat ik opgruid ben in Paais en woon in Roon, heb ik dat Drèentse dialect. Ik waark in de gemeinten Noordenveld, Tynaorl, Assen en een stukkie van Westerkwartier.

Woj meer weeiten over mai as “Spreekster bai oetvaorten”:
bel: 06-18403638
mail: mail@margageersing.nl
of kiek op mien webstee: www.margageersing.nl