Andries Middelbos
In dizze middag- of aovendvullende luusterprogramma’s breng ik zölfgeschreven liedties en verhalen over de tied dat de striepkoornbroek de moede was en er elk jaor pas een einde kwam an de wollen börstrok en levertraon as de ‘R’ weer uut de maond was. De tied daj zaoterdags umstebeurt in de tobbe gungen en vekaansie een daggie op de fietse naor het Maantingerzaand was. De tied dat de mister van klas vier een kind even hen de krudenier stuurde veur een pakkie Caballero, omdat e de hiele dag kettingrokend veur de klas hen en weer banjerde en op verjaordagen en bruloften op elke taofel een glassie met sigeretten en sigaren stun. Körtom verhalen en liedties over alledaagse dinger uut die tied. Serieus, luchtig, soms hilarisch en vaak met lichte zölfspot. Bij de liedties begeleid ik mijzölf op piano of accordeon. In het programma wisselt verhalen en liedties mekaar of en zit aj dat wilt een Drèentse woordenquiz. Een greep uut het programma:
- Tobbedag
- Griesmeelpap met kloeten
- Minkeutel
- Verzuilde stoet
- Hemel- en hemmeltied
- Op ’t jak
- De neie boks
- Bruno DLF 2014
Daornaost maak ik op verzuuk ok wel een verhaal en/of lied veur speciale gelegenheden zoas een themadag over dementie en mantelzorg, een aovend om vrijwilligers ies in het zunnegie te zetten, een symposium over de toekomst van het openbaar vervoer in kleine dörpen of de verkiezing dorpshuus van het jaor 2020.
Het hiele programma giet in de Drentse taol, maor is ok veur niet Drentstaoligen goed te volgen.
tillefoon 0599 -513470