In Tynaorl is Leny Hamminga streektaolambassadeur oet naam van het Huus van de Taol. Tynaorl is de noordelijkste gemeinte van Drenthe. In het verleden is der wel ies over dacht om een stuk aan de provincie Grunning over te doen. Daor kwam veul verzet tegen. Toch binnen veural de inwoners van Zuudlaoren en Eelde-Paterswolde stark richt op stad Grunning. Hoe Drents of ze zich veuilen komp veural boven as ze der van aofscheiden worden ;-).  Het is dan ook goed om een verbinding te zeuiken met de Grunnigers. Per slot binnen wij allemaol Nedersaksen.

In Tynaorl is de Meertmaond de drokste maond, met veurlezen, de streektaolstried en soms een kleine activiteit bij de gemeinte.

In juni is der sinds een aantal jaoren een wandeling met randgebeuren, zoas een gedicht veurlezen, een klein toneelstukkie of muziek, alles in de streektaol. De kommende wandeling zal plaotsvinden op het terrein van Dennenoord in Zuudlaoren.

Verder proberen de streektaolvrijwilligers op markten te staon as die gelegenheid zuch veur döt.