Streektaol in Westerveld
Dat de markante, karakteristieke gemiente Westerveld een oldernaost mooi stukkie Nederlaand is, waor ruumte en rust nog aid te vienden is en wonen, waarken en recreëren deur de veule veurzienings die de gemiente kent meer dan meugelijk is, is wied en zied bekend. Der bint hiel veule vrijwilligers die een bijdrage levert an de leefbaarheid in dizze poort van Drenthe.
Zo ook de deur het Huus van de Taol in Beilen anestelde streektaolambassadeur en -vrijwilligers. Want aj an de cultuur van Westerveld deinkt, kuj een köppel dingen veur ogen kriegen; mooie boswallen, paorse heidevelden, prachtige gebouwen, eeuwenolde keienstraoties, bronzen beelden, herinneringsmonumenten, én……wij kunt, nee wij móet deinken an het cultuurgoed streektaol. Want die taol mak oenze gemiente uniek. Naargens aans klinkt de taol zoas hij hier klinkt. En wat hiel mooi is, is dat het Nedersaksich, waor het Drents bijheurt, in oktober 2018 erkend is as een volweerdige taol naost het Nederlaands en het Fries. Hoe trots kuj daor op wezen….
Streektaolambassadeur in Westerveld Ans Klok mak heur staark veur de streektaol diew in Westerveld proot. Die van Dwingel, Diever en Wapse, maor ook die van Vledder, Frederiksoord en Wilhelminaoord, Haovelte en van Uffelte waor het aan de iene kaante van de straote water is en an de aandere kaante waeter. Saemen mit heur streektaolvrijwilligers (helpers die ook de streektaol een waarm harte toedraegt), zet ze naost het geven van cursussen over de streektaol en Drenthe, van alles uut de stee. Beneid naor wat ? Bel of mail heur maor: tillefoon: 0521592468 lienpost: ans.klok@ziggo.nl.
Streektaolambassadeur: Ans Klok uut Dwingel
Streektaolvrijwilligers:
Hennie Boer uut Lhee
Jannes Buiter, Mans Nijzingh, Henk Schipper, Margiena Grooters, Tjitske Boer, Koop Klok uut Dwingel
Freek Wiechers uut Eemster
Roelof Koops uut Leggele
Henny Steenge uut Leggele
Geesje Oosting uut Haovelte
Tinus Oosting uut Haovelte
Gea Tiemens uut Diever
José Welhuis uut Wapse
Annemieke Bruursema uut Zorgvlied