Webshop
Webshop

weerum

Vacatures

Warken bij het Huus van de Taol

Op dizze bladziede kuj een overzicht vinden van oeze actuele vacatures.

Groepsfoto Huus van de Taol Het Drentse Boek

 

 

Wij zuukt een metwarker online/social media.

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, vief vaste metwarkers en umdebij 180 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes.

Wie zuuk wij?

Iene die onze website en social media vullen en bijholden kan. Aj daor ervaring met hebt en der aordigheid an hebt bi’j de angewezen persoon um oes te ondersteunen. Aj daornaost ok nog warken kunt met Illustrator/Indesign is dat mooi metnummen.

Vanzölf staoj positief tegenover het Drents, maor het is veur dizze functie niet verplicht daj het ok zölf beheerst.

Wat gaoj doen?

  • berichten veur social media maken en inplannen
  • berichten op de webstee zetten

Je warkt hierbij nauw samen met twei vaste metwarkers.

Warktieden

Umdebij 4 uur in de week. Tieden in overleg.

Wat hew te bieden?

Het giet um een vrijwilligersfunctie waorbij aj veul ruumte hebt veur eigen inbreng. Je warkt met enthousiaste collega’s die zuch inzet um het Drents een taol weden te laoten waor alle gebroekers groots op bint en die niet-gebroekers waardeert.

Vanzölf wordt eventuele kilometers vergoed.

Interesse?

Nim dan contact op met oeze directeur Renate Snoeijing: renatesnoeijing@huusvandetaol.nl of 0628781928.

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

Wij zuukt een coördinator veur het cursuswark.

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, directeur, vief vaste metwarkers en umdebij 180 vrijwilligers. Sommige vrijwilligers bint vaak actief in heur eigen woonplaots,  aandern helpt in Beilen waor dat neudig is.

Vanoet Beilen organiseer wij het cursuswark. Der bestaot verschillende cursussen over Drentse taol en cultuur. Veur die cursussen zuuk wij een locatie, koppelt docenten an een cursus en regel wij de communicatie naor geïnteresseerden en dielnimmers.

Wie zuuk wij?

Hej aordigheid an regeln en plannen? Help je geern een aander veuroet? Vi’j het gien punt um zo nou en dan naor Beilen te kommen? En praot je Drents?

Wat gaoj doen?

Je gaot bij oes het cursuswark regeln. Daorbij wark je nauw samen met oeze streektaolfunctionaris. Het giet um:

  • benadern van leslocaties
  • benadern van docenten
  • contact met cursisten
  • samenstellen beneudigdheden veur de cursus
  • administratie
  • understeuning van de streektaolfunctionaris bij het maken of verbetern van lesmateriaal

Warktieden

Umdebij 4 uur in de week. Tieden in overleg.

Wat kuw je bieden?

Het giet um een vrijwilligersfunctie waorin aj veul ruumte veur eigen inbreng hebt. Je warkt met enthousiaste collega’s die zuch inzet um het Drents een taol weden te laoten waor alle gebroekers groots op bint en die niet-gebroekers waardeert.

Vanzölf wordt eventuele kilometers vergoed.

Interesse?

Nim dan contact op met oeze streektaolfunctionaris Arja Olthof: arjaolthof@huusvandetaol.nl .

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden.