Zing je met in het grote Vrijheidskoor op 5 april in Coevern?
Op 5 april kuj in Coevern metdoen in een groot Vrijheidskoor. Dit koor zingt dan under leiding van The Serenade Sisters het neie lied dat schreven is in het kader van het project 80 jaar bevrijding: ‘Vrijheid Veuroet’. De titel van dat neie lied is ‘Vrijheid is nooit of’ en is verbindend. Het lied is arrangeerd veur koren.
Wat gaow doen?
Workshop
Op 5 april wark we in de middag in een workshop an het instuderen van het neie Drentstaolige Vrijheidslied ‘Vrijheid is nooit of’. Dit under leiding van de zangeressen Josien van Beek en Martijje. Dit giet afhankelijk van de opgave in stemgroepen gebeuren (bas, tenor, alt, sopraan). Doel is um het hiele lied zo goed meugelk te kunnen zingen.
Dreiboek
12:30 – verzaomeln en inzingen in theater Hofpoort en start workshop/rippetitie
14:00 – pauze, koffie/thee/waoter wordt verzörgd.
14.30 – naor de brug achter gemientehoes in Coevern. Kooropstelling en soundcheck
14:45/15.00 – start tweide diel workshop/rippetitie
16:00 – einde workshop/rippetitie
16:30 – onthulling kunstwark en optreden The Serenade Sisters met pop-up koor met prisssentatie Vrijheid is nooit of
17:15 – einde
Oetvoering
Op zaoterdag 5 april is der de hiele dag feest in Coevern. In de middag tussen 16.30 – 17.15 uur zing wij het neie lied buten bij het gemientehoes in Coevern bij de onthulling van een groot kunstwark ter ere van 80 jaor bevrijding. Dat doew het liefst met zoveul meugelijk mensen. Ons doel is dus um een megakoor bij mekaor te verzaomeln um zo de vrijheid te bezingen.
Veurbereiding
- Je kunt het lied, de tekst en de partijen downloaden zodaj alvast thoes kunt instuderen en oefen.
- Klik HIER veur de bladmeziek veur koren (SATB)
- Klik HIER veur de bladmeziek veur vrouwlukoren (SSA). Op 5 april zing wij het SATB arrangement.
- Klik HIER waor je de MIDI-files met de partijen heuren kunt.
- Klik HIER veur aj de partijen op MP3 heuren wilt.
- En klik HIER veur de tekst. Tekst + muziek: Martijje Lubbers. Koorarrangement: Josien van Beek.
- Zing je in een koor? Dan kuj het lied alvast tiedens een rippetitie instuderen. Je mugt het gratis downloaden en zo vaok zingen aj wilt. Aj dit oetvoert in een openbaor optreden, woj dan de titel deurgeven an Buma Stemra via hafabra.bumastemra.nl?
- Ok aj het lied nog niet instudeerd hebt van te veuren, maj 5 april bij de oetvoering metdoen.
Anmelden
Meld je hierunder an, aj 5 april met wilt zingen en geef ok even je stemgroep deur (bas, tenor, alt, sopraan, gien idee).
Kledingkeuze
Wij roept alle dielnimmers op um spiekerstof met wit te dragen en dan een rood, blauw of oranje accent toe te voegen.
Orkestarrangement in Bb (met koor)
Woj het lied speulen met je muziekvereniging? Dan maj dit arrangement binnenkört HIER downloaden en speulen, eventueel ok saomen met een koor. Orkestarrangement: Pieter de Jong. Aj dit oetvoert in een openbaor optreden, woj dan de titel deurgeven an Buma Stemra via hafabra.bumastemra.nl?
Previncie
Het vrijheidslied ‘Vrijheid is nooit of’ is underdiel van ‘Vrijheid Veuroet’. Dit preject is met meugelijk maakt deur de previncie Drenthe.