Literatuur in Drenthe
Op dizze website maak wij dankbaar gebroek van het wark van Henk Nijkeuter en Rouke Broersma, die beide – elk op zien eigen manier – een gedegen overzicht geeft van de Drentse schrieverij.
Nijkeuter
Dr. H. Nijkeuter schreef in 2001 zien dissertatie De pen gewijd aan Drenthe’s dierbren grond over de ontwikkelings in de schrieverij in Drenthe in de jaoren 1816 – 1956. In 2016 kwam het tweide deel oet under de titel Waor roet en blommen wortel schiet in ’t veld. Dit tweide diel gung over de periode tot 2015. Nijkeuter wil met zien wark een zo volledig meugelijke inventarisatie geven van de Drentse schrieverij, waorbij e ok wark van in het Nederlands schrievende Drenten in zien boeken opnummen hef.
Broersma
Rouke Broersma schreef in 1993 samen met Stieneke Boerma Drèentse schrieverij, een Drentse literatuurgeschiedenis. Dit overzicht van de Drentse schrieverij was eerst benaom bedoeld veur het underwies. Later zul Drèentse schrieverij anvuld worden met een bloemlezing van allén Drentse literatuur. Die bloemlezing kwam der ok en kreeg as naam Scheupers van de Taol, met mooie en veulzeggende stukken oet verhalen en gedichten. Under an de bladziede vin ie een link waormet ie de bloemlezing gratis downloaden kunt. Wieder schreef Broersma ok nog Drentse letteren, waorin e dieper op zien bloemlezing in giet.
