Webshop
Webshop

weerum

Drents in de openbare ruumte

De Drentse taol is een zichtbaar en gewardeerd underdiel van de Drentse identiteit. Oet het underzuuk Staat van het Drents 2026 blek dat inwoners het Drents bried wardeert, maor dat het gebroek in publieke en formele contexten nog beperkt is. Tegeliekertied is er juust een wèens um het Drents vaker te zien en te heuren in de leefumgeving.

Dat böd kaansen. Niet in grote stappen, maor juust in praktische, haalbare toepassingen. Hierunder staot concrete menieren waorop overheden, organisaties en bedrieven het Drents inzetten kunt.

 

deurmat moi mooi daj der bint Huus van de Taol

Drents zichtbaar maken in de umgeving

Het Drents huuft niet ‘extra’ te weden, maor kan underdiel worden van de dagelijkse umgeving.

Dèenk an:

  • een welkomsttekst in het Drents in gebouwen of bij het inrieden van dörpen
  • Drentse woorden op informatieborden of in openbare ruumtes
  • tweetaolige plaotsnaamborden
  • kleine Drentse accenten in parken, natuur en arfgoedlocaties
  • Drentse deurmat

Effect: herkenning zunder dat de umgeving veraandert.

baliebord gemeentehuis moi

Drents in contact en communicatie

In contact met inwoners of klaanten kan het Drents zörgen veur een gevuul van herkenning.

Dèenk an:

  • een Drentse begroeting of ofsluting in klantcontact
  • Drentse woorden in campagnes of publiekscommunicatie
  • standaardzinnen of kernbosschuppen in het Drents

Effect: communicatie vuult persoonlijker en dichterbij.

Placemats Drentse woordties Huus van de Taol

Drents in winkels, horeca en toerisme

Dit is de stee waor taol direct zichtbaar en ervaarbaar wordt.

Toepassingen:

  • Drentse benamingen op menukaorten of productkaorten
  • bordties en andudingen in het Drents
  • begroetingen of servicezinnen in het Drents

Effect: verstarkt de Drentse identiteit as underdiel van gastvrijheid en streekbeleving.

251002-154536-Symposium-Huus-van-de-Taol-door-Richard-Broekhuijzen-164

Drents bij evenementen en cultuur

Evenement bint bij oetstek momenten waor taol klinken mag en heurd worden mag.

Veurbeelden:

  • prissentaties of ankondigingen (diels) in het Drents
  • Drentse artiesten, verhalen en makers een stee geven
  • streektaol verwarken in programma of storytelling

Effect: het Drents wordt een vanzölfsprekend underdiel van beleving en cultuur.

Het Huus van de Taol is het provinciale kennis- en expertisecentrum veur het Drents. Wij helpt overheden, organisaties en bedrieven um het Drents op een praktische en passende wieze toe te passen in de publieke ruumte. Dat doew met advies, vertaolingen, inspiratie en concrete hulpmiddeln.

Bi’j neisgierig naor wat er meugelijk is met het Drents in je organisatie of umgeving? Nim contact met oes op. Wij dèenkt geern met je met!

 

Meer informatie over Drents in de openbare ruumte

Velden met een * moej altied invullen