De streektaolvrijwilligers van het Huus van de Taol in Aa en Hunze
In de gemeente Aa en Hunze wordt veul Drèents praot. Gelukkig maor, want het heurt – net as in de hele previncie – as botter bij de stoet. Dree van de zeuven Drèentse varianten die Drenthe kent, praot we met hier mekaor: het Veenkoloniaols (VK), Midden-Drèents (MD) en Kop van Drenthe (KvD).
Um oonze streektaol levendig te holden en an te jaogen is der een groep mèensen het jaor deur drok bezig. De Streektaolambassaseur en de Streektaolvrijwilligers van het Huus van de Taol in Aa en Hunze bint reur met het organiseren van activiteiten rondum de Drèentse taol. In de meertmaond lees we in de hele gemeente in de streektaol veur op alle baosisscholen en bij de kinderopvang. Ze kriegt hierbij hulp van veul veurlezers. Ok mug we oons as streektaolvrijwilligers heuren en zeen laoten bij een gemeenteraodsvergaodering in dizze Meertmaond-Streektaolmaond.
Deur het jaor hen gaow op pad met het programma Een paor uurties Drèents vermaok: een gezellige mörgen, middag of aovend vol streektaol, herkenning en humor. Wat kuj verwachten?
- Een quiz over vanalles wat met Drenthe te maoken hef
- Wel hef geliek? Een spel waoraj oet 3 antwoorden het waore verhaol kiezen moet.
- Een Drèentse bingo
- as der nog tied over is kuw ok nog een verhaol of wat gedichten heuren laoten.
Dizze activiteit is geschikt veur (buurt)verenigingen, verzörgingshoezen, femiliefeesten of as ofsluting van een (leden)vergaodering.
Netuurlijk wordt aal jaor in de meertmaond, argens in de gemeente, de Streektaolstried (pubquiz) speuld.
Ok kuw je helpen bij het vertaolen van zinnen of stukken tekst naor het Drèents.
Bij genog belangstelling kunt der in Aa en Hunze cursussen van het Huus van de Taol geven worden. Meer informaotsie hierover kuj vinden via dizze link.
Bi’j neisgierig worden, hej vraogen, ideeën of suggesties over alles wat met Drèents te maoken hef? Nim contact op met één van de understaonde personen of stuur een mail naor katrien@eggens-terheide.nl
Wij helpt je geern!
Gewoon… umdat de Drèense taol een mandelig bezit is, waor wij met mekaor zunig op weden moet!
Streektaolambassadeur Katrien Eggens
06-14646995
Streektaolvrijwilligers
- Gea Aling-Hoving, Annen
- Hillie Reitsema, Annen
- Janny Bruins, Rolde
- Jacco Fluks, Rolde
- Arendje de Jonge, Anloo
- Roelie Meijering, Eext
- Henk Nijkeuter, Gieten
- Anja Wiechers-Smit, Rolde
- Jannie Hopman-Eding, Gieten
Contactformulier vrijwilligers Aa en Hunze
Velden met een * moej altied invullen