Streektaolambassadeur De Wolden
Veur de gemiente De Wolden biw op zuuk naor een streektaolambassadeur.
De streektaolambassadeur is feitelijk de oren en ogen van het Huus van de Taol in de eigen gemiente. Een streektaolambassadeur zorgt erveur dat het Drents te zien en/of te heuren is in de gemiente.
Daorveur kan e allerlei activiteiten op poten zetten, hoeveul en hoe groot die activiteiten bint hej in eigen haand. Der is ien project dat vaststiet: het veurlezen op de basisschoelen. Het regelwark daorveur kuj zölf doen of met een club vrijwilligers samen. Der bint in De Wolden goeie contacten met Cultuurklik veur het veurlezen en der is een koppeltie enthousiaste veurlezers.
Allén is maor allén en daorum kreg de streektaolambassadeur in zien gemiente de hulp van streektaolvrijwilligers die verspreid over de gemiente woont en actief bint binnen heur eigen dörp of buurt.
Wat döt een streektaolambassadeur?
De streektaolambassadeur is het plaotselijke gezicht veur het Drents en underholdt contacten met u.a. het gemientebestuur. Wieder trekt de streektaolambassadeur an de bel as in zien gemiente onrecht de taol meer zichtbaarheid neudig hef, of as de taol onrecht daon wordt. Tot slöt organiseert e samen met zien streektaolvrijwilligers activiteiten in de gemiente.
Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 130 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes.
Deurpraoten?
Vanzölf is hierboven lang niet alles verteld. Veur meer informatie en um wieder over het wark van een streektaolambassadeur te praoten, kuj altied contact met oes opnimmen. Dat kuj het beste doen met Renate Snoeijing, die vanoet het Huus van de Taol de eerstverantwoordelijke is: (0593) 371010 of renatesnoeijing@huusvandetaol.nl.
PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden.