In de gemiente Midden-Drenthe gebeurt van alles op het gebied van de Drentse taol. Dit alles wordt organiseerd deur streektaolambassadeur Bert Eefting en een team van enthousiaste streektaolvrijwilligers. Hierunder vertelt ze wat ze zoal doet:
Drents vertier
Bin ie veur je vereniging, club of tehoes op zuuk naor de invulling van een aovend of middag? Dan kun wij je daor an helpen. Een koffiemörgen kan natuurlijk ok. Twee mannen uut Börk, streektaolvrijwilligers bij het Huus van de Taol, staot garant veur een paor mooie uren. Zij vertelt in de Drentse taol verhalen en gedichten. Soms wat serieus maor over het algemien wat luchtigs. Ze eindigt altied, een beetie hilarisch, met “pettie op – pettie of”; vraogen over de Drentse taol, Drenthe of de plaots waor aj bint. Daor kuj mooie Drentse priezen met winnen! Ook praot zij je bij over de warkzaomheden en activiteiten van het Huus van de Taol.
Under professoren
Zeuven van oeze vrijwilligers treedt regelmaotig in wisselende saomenstelling van elke keer veer personen op met ‘Under Professoren’. Dit is een middag- of aovendvullend quizprogramma, waarbij ien professor een vraog stelt en de drei aandern een antwoord geeft. Het publiek möt dan raoden welk antwoord goed is.
Streektaolstried
Ienmaol in het jaor organiseer wij de Streektaolstried veur de gemiente Midden-Drenthe. An dizze Drentse pubquiz doet teams oet de hiele gemiente met.
Veurlezen
Wij leest veur in de meertmaond op alle basisschoelen in Midden-Drenthe
En wij leest veur op een aantal scholen in de mei-maond an bovenbouwgroepen. Dat betreft dan verhaolen over WO2, bevrijding, en vrijheid. De verhaolen hierveur heb wij speciaal schrieven laoten.
Meertmaond
In de meertmaond hebt wij een vast programma met een opening en een ofsluting, een quiz veur gemienteambtenaoren en een optreden veur een raodscommissie.
En wieder
Wij nimt initiatieven zoas ‘In elk kind zit een verhaal’ en ‘Meer Dreints in de openbare ruumte’.
Elke maond schref ien van oeze vrijwilligers of de streektaolambassadeur een artikeltie in de Kraant van Midden-Drenthe
En wij propageert de Drentse taol waor as dat maor kan.
Woj meer weten? Nim dan contact op deur understaond contactformulier in te vullen. Dan heur zo rap meugelijk van oes!
Contact met de streektaolvrijwilligers in Midden-Drenthe
Velden met een * moej altied invullen