In het Huus van de Taol is een neie expositie te bewondern. Under de titel “Drentse Taferelen” lat Steven Kost de geschiedenis en de schoonheid van Möppelt en de landelijke umgeving zien in het wisselnde locht van de seizoenen.

Steven Kost (Assen,1954) is pensioneerd docent Tieken en Kunstgeschiedenis en bieldend kunstenaor. Hij woont nou zowat vief jaor in Möppelt.

Steven exposeert een serie Drèentse aquarellen en schilderijen. De aquarellen laoten grachten zien met olde boten, de Grote Kerk en boerderijen in het laandschup. De schilderijen bint vrije verwarkings van ‘veurstudies’ in aquarel. Verrassende ingevings, sprekende kleuren en contrasten bint vaste kenmarken. Al schilderend ontstiet d’r een neie Drèentse warkelijkheid. Het ofwisselend warken met aquarel- en acrylverf böd hum al maor weer een inspirerende ‘ontdekkingsreis’.

Praktische informatie

De expositie is te bekieken van maondag 28 september tot vrijdag 18 december 2026, bij het Huus van de Taol, Raadhuisplein 1 in Beilen.

Openingstieden bint maondag tot en met dunderdag van 9.00 tot 16.30 uur en op vrijdag van 9.00 tot 13.30 uur.

De toegang is gratis.