Al meer as 25 jaor is de combinatie van Drentse schrieverij, meziek en eten geliefd. Streektaolorganisatie Huus van de Taol organiseert daorum een nei seizoen Taal an Taofel in Noord-Slien en Nörg.

Vandaog biw bij Zwaneveld in Nörg. Het publiek kan naor poëzie en verhaolen van Ger Veenstra en Willem van der Velde (Peter) lustern. De meziek is vandaog van Jetta Post.

Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur. Risserveren kan tot de dinsdag derveur bij Hennie Bouwman: henderkien.jantien@gmail.com / 06-29113653.

In Nörg is Taal an Taofel op 14 september, 16 november, 17 jannewaori en 15 meert.

Jubileumconcert Nedersaksisch Vocaal Ensemble (NsVE)

Het NsVE bestiet twintig jaor. Dat wordt vierd met een jubileumconcert op zundagmiddag 15 meert in theater De Nieuwe Kolk in Assen.

Der is een gastoptreden van de Grunninger streektaolzanger Erwin de Vries. Het veer-stemmige koor wordt veur dizze gelegenheid met een groot projectkoor oetbreid. Het rippetoire bestiet oet nummers van streektaolzangers oet het Nedersaksische taolgebied. De dirigent is Edwin Romp en an de vleugel zit Mark Hidding.

Het concert begunt um 14.30 uur.

Entree: € 22,50

In ien aovend ‘broes’ wij deur de achtergronden van het Drents.

Hoe bint het Drents en Nedersaksisch ontstaon, hoe verholdt ze zuch tot mekaar, en tot de landstaol. Welke veurdielen böd het praoten en verstaon van de streektaol? En waorum bi’j een rieker mens aj Drents praot?

Anslutend doew een quiz mit mooie priezen.

Vanof 20.00 uur bi’j van harte welkom, de entree is € 7,-. Anmelden kan via Over Entinghe

Veur de elfde maol organiseren de historische vereinen van Roon, Paais en Nörg in saomenwaarking met Welzijn in Noordenveld de Streektaolstried Noordenveld. Dizze Drèentse pubkwis wordt prissenteerd deur Abel Darwinkel. Teams kunnen zuch anmelden op welzijninnoordenveld.nl/agenda of deur te bellen met het servicebureau van WiN: 050-3176500. De kosten binnen € 10,- per team.

Vrijdag 20 meert. Anvang 19.30 uur. Dörpshoes Rowol.

Reuring op de dele van de Karstenhoeve in Runerwold. Op dizze gezellige aovend kuj luustern naor schriever Johan Veenstra en muzikanten Heeren Oud-Zuid oet Assen.

Johan Veenstra is op 6 jannewaori 1946 geboren in Wolvege. Hi’j het zien hiele leven in Ni’jhooltpae woond. In 1971 is hi’j mit zien schrieveri’je in et Stellingwarfs uut aende zet. Hi’j schreef sund die tied romans, verhaele- en dichtbundels. Hi’j het ok een protte bi’jdregen leverd veur verschillende kraanten en tiedschriften. Negen jaor laank schreef en sprak hi’j kollums (de bekende Stellingwarver stiekelstokkies) veur de regionaole radio Omrop Fryslân. Johan Veenstra schrift now kollums in de Leeuwarder Courant. Al meer as drieduzend keer het hi’j veur verschillende verienings en aandere bi’jienkomsten veurdrachten hullen uut eigen wark.

Heren Oud Zuid: De drie leden van de groep Heeren Oud-Zuid hebt allemaol heur sporen in de meziek verdiend. Het meziekgezelschop bestiet uut Cor Többen (gitaar), Jan Kuipers (keyboard) en  Luc Oostra. De groepsnaom is een verweizing naor de wiek in Assen waor alle 3 wonen.

Anvang 20.00 uur, deel lös om 19.30 uur
Entree: € 15,00 pp, inclusief een kop koffie.
Risserveren en info: info@karstenhoeve.nl of tillefonisch 0522-481447