Al meer as 25 jaor is de combinatie van Drentse schrieverij, meziek en eten geliefd. Streektaolorganisatie Huus van de Taol organiseert daorum weer een nei seizoen Taal an Taofel in Noord-Slien en Nörg.

Vandaog biw bij Zwaneveld in Nörg. Het publiek kan naor poëzie en verhaolen van Ans Klok en Aagje Blink lustern. De meziek is vandaog van John & Nienke.

Taal an Taofel begunt um 11.00 uur en stopt um 14.00 uur. De entree is € 25,00. En daor kriej dan een kop koffie/thee en eterij veur. Risserveren kan tot de dinsdag derveur bij Hennie Bouwman: henderkien.jantien@gmail.com / 06-29113653.

In Nörg is Taal an Taofel op 14 september, 16 november, 17 jannewaori en 15 meert.

Gunhar Koops is in 2024 begund met een reeks vertaolingen van bekende en minder bekende warken (van jazz tot rock en van blues tot opera). Hij vertaolt naor het veenkoloniaols, de streektaol van zien geboortedörp Valthermond. Deur dichtbij zuchzölf te blieven en in zien eigen taol te zingen blef de betiekenis van de nummers beholden en wordt die lichtkaans krachtiger maakt. Met zien warme baritonstem begeleidt Koops zuchzölf op gitaar, gitaarvirtuoos WimJan Eikens stiet hum daorin bij. Beiden hebt veul muzikale wegen bewandeln, maor met dit theaterprogramma (met de neudige veenkoloniaole humor en verhaolen) slaot ze een nei pad in.

Op 26 november, 3 december en 10 december kuj op Elim de Moi-cursus volgen. Dizze cursus gef een inkiekie in de Drentse taol. Oeze docenten nimt je met langs het ontstaon van de taol, vertelt hoe het zit met de status van taolen en legt oet wat het Drents tot Drents mak. Wi’j anhaken bij dizze cursus? Meld je dan an.

Daotums: 26 november, 3 december en 10 december 2025

Starttied: 19.30 uur

Kosten: € 25,- (excl. koffie/thee)