Op zaoterdag 12 september 2026 organiseert de ‘Vrienden van RTV Drenthe’ een fietstocht deur de gemiente Noordenveld. Zoas aaid moet der underwegens vraogen beantwoord worden en spelleties speult worden. Daor bint een paor prachtige priezen met te winnen. Start is bij café Zwaneveld, achteringang (straot naost de fietsenzaok giet naor de parkeerplaotsen).

De inschrieving is vanof 10.30 uur. Start is tussen 11.00 en 12.00 uur. Kosten: Leden € 10,00 Niet-leden € 12,50 inclusief koffie/thee met cake/koek. De priesoetreiking is nao ofloop rond 16.30 uur.

Op 20 september stiet de winnaar van Songfestival Drenthe, Pop in ’t Plat in de Theaterkuil Falieberg in Zuudwolde. De Dennis Hendriks Band is een viefmansformatie oet Drenthe die streektaolmeziek brengt met een herkenbaar en eigen geluud.

Vanof 6 oktober begunt in het Huus van de Taol een spellingcursus. In 1987 hef de Provincie Drenthe de spelling van de Drentse taol officieel erkend. In de cursus Speulen met spellen gaoj samen met de docent gangs met de spellingregels en hoe aj die toepast op je eigen Drents.

Bij de spellingcursus kriej het boekie Drentse Spelling – een handleiding voor de schrijfwijze van de streektaal en het Zakwoordenboek van Jan Tissing as studiemateriaal en hulpmiddeln.

Praktische zaken

Daotums:  6 oktober, 13 oktober, 27 oktober, 10 november 2026, 24 november

Kosten: € 40,- 

Locatie: Huus van de Taol, Beilen

Antal lessen: 5

Vanof 27 oktober kuj in Hollandscheveld anschoeven bij de Drenthecursus.

In de Drenthecursus koj meer te weten over de Drentse taol en cultuur. Vanzölf is de Drentse taol belangriek in de cursus. De aovends bint varieerd: Drentse literatuur,  Drentse gebroeken, geschiedenis, cultuur en streektaolmeziek komt allemaol an bod. Ok kiek wij naor verschillende Drentse dörpstypes en het Drentse landschap.

Veurof anmelden is wal neudig, wij wilt de groepen graag zo holden daj goed met mekaar in gesprek kunt gaon en het – naost daj wat leert – ok gezellig is!

Praktische zaken

Daotums: 27 oktober 2026, 3 november 2026, 10 november 2026, 2 meert 2027, 9 meert 2027, 16 meert 2027

Kosten: € 55,- (incl. cursusmateriaal, excl. zaalhuur, koffie/thee)

Locatie: Het Anker, Hollandscheveld

Antal lessen: 6