Brader, Geert Jan

Toen e achttien was, kocht Geert Jan zuch een gitaar en dat was veur hum de anleiding um de meziek in te gaon. Hie kreeg toen ok aal meer belangstelling veur het speulen op de piano.

Bij zien eerste band No Nonsense speuld’e zowal piano as gitaar. In de jaoren tachtig speulde Geert Jan in verscheiden gezelschappen en bands, u.a in De Brinkels Boogie Band, een groep die ok aandere artiesten begeleidde zoas Eelco Gelling, Kaz Lux, Allides Hidding en Louisiana Red.

In de niggentiger jaoren speulde geert jan veural in kleine groepies. Behalve solo-optredens begeleidd’e ok aandere solo-artiesten en gezelschappen. Ok zörgde hij veur muzikale begeleiding bij veul radioprogramma’s, u.a veur de Vara.

Met saxofonist Jan de Wilde vörmde Geert Jan een duo. Later kwamen Adolf Robertus en Gijs Kos derbij, maor gung Jan de Wilde vort en vörmde zuch aldus een trio. Brader&Co weur een hecht gezelschap.

In 1999 zegde Geert Jan zien baan in de psychiatrie op en keus e hielemaol veur de muziek.

Deur Taal an Taofel en Het Drentse Boek kwam der aal meer contact met Drentse schrievers en dit spoorde Geert Jan an um in het Drents te zingen. Geert Jan hef een aantal jaoren optreden met Marga Kool en Jan Veenstra in het aovendvullende programma Taanden van de tied.

Sinds een paar jaor woont Geert Jan in Ossenziel, net over de grens in Overiessel.

Geert Jan meuk een Drentstaolige cd: Nog zoveul doen.

Kiek ok op: www.geertjanbrader.nl